Усе замежныя грамадзяне, якія прыбываюць у Беларусь праз Нацыянальны аэрапорт Мінск, будуць мець магчымасць з 22 жніўня атрымаць у аэрапорце ўязныя візы. Пра гэта паведамілі ў МЗС Беларусі. Гэта прадугледжана пастановай Саўміна № 725 ад 16 жніўня аб унясенні змяненняў у Візавыя правілы Рэспублікі Беларусь.
Разам з тым захоўваецца патрабаванне своечасовага прадстаўлення ва ўпраўленне па пытаннях ўезду замежнікаў галоўнага консульскага ўпраўлення МЗС Беларусі дакументаў візавай падтрымкі, неабходных для афармлення ўязных віз.
У прыватнасці, для афармлення кароткатэрміновых уязных віз дакументы трэба падаць не пазней чым за тры працоўныя дні да меркаванай даты прыбыцця замежнага грамадзяніна, а для доўгатэрміновых – не пазней чым за пяць рабочых дзён да меркаванай даты прыбыцця, нагадалі ў МЗС.
У сувязі з цяжкім захворваннем або смерцю блізкага сваяка або члена сям’і замежніка дакументы візавай падтрымкі могуць быць прадстаўлены ў момант звароту замежніка па візу.
Дакументы візавай падтрымкі могуць быць прадстаўлены самастойна ва ўпраўленне па пытаннях уезду замежнікаў галоўнага консульскага ўпраўлення МЗС Беларусі, якое знаходзіцца ў Нацыянальным аэрапорце Мінск (кантактны тэлефон: +375 17279 20 58) або па пошце з улікам тэрмінаў дастаўкі (220054, г.Мінск, тэрыторыя Нацыянальнага аэрапорта Мінск, упраўленне па пытаннях ўезду замежнікаў галоўнага консульскага ўпраўлення МЗС Беларусі).
Кароткатэрміновыя ўязныя візы ў мэтах вучобы афармляюць толькі пры наяўнасці ў Нацыянальным аэрапорце Мінск прадстаўніка арганізацыі, якой у адпаведнасці з заканадаўчымі актамі Беларусі прадастаўлена права выдаваць запрашэнне на навучанне.