Найбуйнейшыя моладзевыя арганізацыі Еўропы запатрабавалі ад лідэраў ЕЗ узмацніць барацьбу з дыктатурай у Беларусі.
У сумеснай заяве, прынятай сёння, гаворыцца пра парушэнні правоў чалавека ў нашай краіне.
Дакумент падпісалі найбуйнейшыя моладзевыя арганізацыі Еўропы:
- «Маладыя эўрапейскія фэдэралісты» (JEF),
- «Маладыя лібералы Еўропы» (LYMEC),
- «Еўрапейскія дэмакратычныя студэнты» (EDS)
- «Еўрапейскі моладзевы форум»
- «Федэрацыя маладых еўрапейскіх зялёных» (FYEG)
- «Міжнародная федэрацыя маладых лібералаў» (IFLRY)
- «Міжнародны саюз маладых сацыялістаў» (IUSY)
- «Моладзь Еўрапейскай народнай партыі» (YEPP)
- «Маладыя еўрапейскія сацыялісты» (YES).
«Апошнія прэзідэнцкія выбары, якія прайшлі 19 снежня 2010 года, скончыліся масавымі арыштамі дэманстрантаў і лідэраў апазіцыі. Незалежныя сродкі масавай інфармацыі падвергнуліся разгрому, быў абмежаваны доступ да шэрагу апазіцыйных сайтаў.
Мы асуджаем апошнюю дыктатуру Еўропы і хочам аказаць падтрымку прыгнечанаму беларускаму народу, які не мае нават элементарных чалавечых правоў, якія само сабой разумеюцца для еўрапейцаў. У прыватнасці, мы заяўляем аб нашай салідарнасці з маладымі людзьмі ў Беларусі, якія вядуць барацьбу за свае правы і пра тое, што яны могуць разлічваць на падтрымку з боку еўрапейскай моладзі ў гэтым», — гаворыцца ў заяве.
Моладзевыя арганізацыі Еўропы запатрабавалі адмены пакарання смерцю, свабоды СМІ, правядзення дэмакратычных выбараў у Беларусі і фарміравання дакладнай пазіцыі Еўрапейскага Звязу ў дачыненні да дыктатара.
Таксама ў заяве адзначаецца неабходнасць строгага выканання санкцый у дачыненні да беларускіх уладаў. У першую чаргу, гэта, на думку аўтараў заявы, тычыцца візавых абмежаванняў і замарожвання актываў чыноўнікаў і алігархаў, якія падтрымліваюць дыктатара.
Разам з тым, моладзевыя арганізацыі Еўропы патрабуюць «працягнуць руку дапамогі тым беларусам, якія маюць патрэбу ў падтрымцы з боку ЕС». У прыватнасці, яны настойваюць на тым, каб маладым беларусам была прадастаўленая магчымасць свабодна ездзіць у Еўропу і сустракацца са сваімі аднагодкамі ў іншых краінах кантынента.
charter97.org